Истражување: Топлотниот бран во Велика Британија одзеде 263 животи за 10 дена

Најмалку 263 лица починаа за време на топлотниот бран што го погоди Лондон помеѓу 23 јуни и 2 јули, според ново истражување од Империјал колеџ во Лондон и Лондонската школа за хигиена и тропска медицина (LSHTM).

Advertisements

Студијата вели дека две третини од смртните случаи не би се случиле без климатските промени, за кои анализата покажа дека предизвикале зголемување на температурите во Лондон за речиси четири степени, објавува Скај њуз.

Ова предизвика предупредувања дека училниците, домовите за стари лица и болниците во Велика Британија се лошо опремени за справување со зголемувањето на температурите.