Најсмртоносните змии на планетата: Колку е опасен поскокот во споредба со нив?

Змиите отсекогаш буделе страв и восхит, и тоа со причина. Нивниот отров може да предизвика парализа, внатрешно крвавење, откажување на органите, па дури и смрт во рок од неколку минути. Еве го списокот со петте најотровни змии во светот, рангирани според отровот и способноста да го загрозат човечкиот живот:

Advertisements

Копнен тајпан (Oxyuranus microlepidotus)

Најсмртоносната змија на светот;
Потекло: Австралија;
Смртоносна доза (LD50): 0,025 мг/кг;

Едно каснување теоретски може да убие над 100 луѓе. Иако е екстремно опасна, ретко се среќава со луѓе затоа што е исклучително повлечена.

Морска змија белчер (Hydrophis belcheri)

Потекло: тропските делови на Индискиот Океан и Тихиот Океан.
– Отровот ѝ е околу 100 пати посилен од оној на кобрата. Ретко каса и речиси никогаш не вбризгува отров при касањето.

Источна кафеава змија (Pseudonaja textilis)

Потекло: Австралија;
Смртоносна доза: околу 0,036 мг/кг;

Крајбрежен тајпан (Oxyuranus scutellatus)

Потекло: Североисточна Австралија и Папуа Нова Гвинеја.

При секој убод може да испушти до 120 мг отров, што е доволно да убие 50 луѓе. Симптомите се парализа, крвавење и откажување на бубрезите; без медицинска помош, смрт може да се случи за помалку од 30 минути.

Црна мамба (Dendroaspis polylepis)

Потекло: Африка;
Може да се движи до 20 км/ч, што ја прави најбрзата змија во светот;
Смртоносна доза: околу 0,25 мг/кг

Многу агресивна ако се чувствува загрозена. Без антитоксин, настапува смрт за 20-60 минути.

Најотровна змија на Балканот – поскок (Vipera ammodytes)

Поскокот е најопасна европска змија, распространета во Србија, Хрватска, Босна и Херцеговина, Црна Гора, Словенија и Македонија.

Латински термин: Vipera ammodytes, позната и како „horned viper“ или „nose-horned viper“ на англиски.

Во споредба со најотровните змии во светот, отровот на поскокот е и до 60 пати послаб од отровот на копнениот тајпан, но сепак останува многу опасна особено за деца, постари лица и оние што нема да добијат навремена медицинска помош.

Симптомите по каснување се оток, болка, крвавење, мачнина, слабост, а во потешки случаи може да дојде до оштетување на ткивата и внатрешните органи.

Иако најотровните змии главно се наоѓаат во Австралија и тропските мориња, ниту Балканскиот Полуостров не е без опасност. Каснувањето од поскок може да биде исклучително сериозно, но со брза медицинска интервенција и достапност на противотров смртноста денес е ниска.