Кочовска: Компании добиле финансиска помош, а имале сопствени приходи

Претставничката на опозициската ВМРО-ДПМНЕ, Гордана Димитриеска Кочовска, во вечерашното гостување во емисијата „Економски Магазин“ на Алсат нагласи дека субвенционирањето на платите треба да продолжи во најзагрозените сектори. Кочовска, којашто беше заменик министерка за финансии за време на техничката влада, открива дека со претходните мерки, владина економска помош добиле и некои компании коишто имале сопствени приходи.

Advertisements

„Брако добивала по 8.300.000 денари, од прилика, помош за плати, а во исто време, во последниов месец, како што слушам поминувале некои договори во четири очи и се купувале производи коишто Брако ги произведувал. Ние не треба да помагаме такви фирми. Треба да помагаме фирми коишто не работеа“, рече Димитриеска Кочовска.