Попис, статистика се подготовува
И покрај зголемените гласини за можно одложување на пописот, Државниот завод за статистика продолжува со подготовките за спроведување на процесот. Од оваа институција не кажаа како овие гласини од политичките функционери имаат влијание врз нивната работа, но додаваат дека го почитуваат постоечкиот Закон.
„Заводот работи и се подготвува за попис во согласност со Законот за попис што е на сила. Додека нема нова законска одредба, ние ќе продолжиме да работиме според роковите утврдени со Законот за попис”.
Се очекува наскоро Статистика да ја објави методологијата за попис, да објави јавен конкурс за регрутирање на попишувачи, инспектори и комесари кои ќе го спроведат пописот. СДСМ бара да се спроведе пописот.
Лидерот на СДСМ Зоран Заев вчера рече дека пописот може да се одложи за еден месец или два, ако тоа е прифатливо за опозицијата. Предлогот да се одложи процесот со цел да се постигне политички консензус и да се избегне заразата со вирусот, дојде од претседателот Стево Пендаровски. ВМРО ДПМНЕ инсистира процесот да се одложи за април следната година, кога ќе биде посигурно во аспект на здравство.
Пописот на терен, според важечкиот Закон, треба да почне на 1 април и да трае три недели, до 21 април. Електронскиот попис на дијаспората треба да започне еден месец понапред, поточно на 1 март.
Fatlume dervishi
