Објавена е методологијата за попис
Пописот на населението ќе се изврши во три категории, резиденти, нерезиденти и трета категорија, собирањето на сите попишани лица од првите две категории. Државниот завод за статистика ја објави методологијата за попис на населението, населените места и живеалишта. Во категоријата граѓани – резиденти ќе бидат опфатени сите државјани кои живеат во земјава минимум 12 месеци, странски државјани кои живеат во земјава повеќе од 12 месеци со дозвола за престој, лица кои се со постојан престој, но се привремено или помалку од 12 месеци во странство, или лица во државна мисија во странство, бегалци и баратели на азил кои се во земјава повеќе од 12 месеци. Во категоријата на нерезиденти лица ќе бидат вклучени граѓани кои живеат во странство подолго од 12 месеци и странци кои живеат во земјата помалку од 12 месеци со дозвола за престој. Заводот за статистиката потсетува дека граѓаните што живеат во странство повеќе од 12 месеци имаат две опции за попис. Сепак, од оваа институција велат дека се претпочита да се регистрираат електронски на веб – страницата на Заводот за статистика. Нивниот електронски попис ќе започне на 1 март и ќе трае до 21 април. Директорот Апостол Симовски рече дека електронската апликација е подготвена и е доволно безбедна во однос на сајбер нападите. Но, според него, како втора опција, нивните податоци може да ги достави роднина што живее во земјава и кој добро ги знае податоците за луѓето што ги регистрира.
Статистиката ќе формира 50 регионални комисии за спроведување на пописот. 150 инспектори за статистика и тековниот персонал на оваа институција ќе го следат процесот, 500 регионални инструктори ќе бидат ангажирани во управувањето со попишувачи и најмалку 5.500 попишувачи ќе собираат податоци од граѓаните на терен. Доколку е потребно, бројот на попишувачи ќе се зголеми. Тие оценуваат дека имаат доволно време за ангажман на овие лица и нивна обука до крајот на март. Пописот на терен ќе се одржи од 1 до 21 април и главно ќе оди по еден попишувач во една куќа. Но, во мешаните населби, за да се почитува правото граѓаните да се регистрираат на еден од седумте јазици што ќе ги изберат, може да има двајца попишувачи. Софтверот што се користи за попис ќе се базира на податоци од 10 други институции во земјава. Сите податоци дадени од граѓаните за време на пописот ќе бидат вкрстени со податоците на овие институции за верификација.
Намерното внесување неточни податоци се казнува со Закон.
Во зависност од состојбата со ковид во април, ќе бидат изработени здравствени протоколи. Но, според Симовски, попишувачите не мора да влегуваат во домовите и становите на лицата. Директорот за статистика рече дека граѓаните треба да ја препознаат важноста на оваа статистичка операција.
Од ДЗР не ги коментираат политичките изјави за евентуално одложување на пописот, но вели дека тие работат според Законот што е на сила.
Fatlume Dervishi
