Сончево и натпросечно топло до 22 степена
Времето денеска ќе биде сончево и натпросечно топло со мала до умерена облачност. Во утринските часови по одделни котлини ќе има појава на магла и ниска облачност. Ќе дува слаб до умерен претежно југозападен ветер.
Минималната температура ќе биде во интервал од -1 до 6, а максималната ќе достигне од 14 до 22 степена.
Во Скопје сончево со мала до умерена облачност, во утринските часови со услови за магла во делови од котлината. Минималната температура ќе се спушти до 1, а максималната ќе достигне 16 степени.
Во недела ќе има зголемување на облачноста и ќе почне да дува умерен до засилен јужен ветер, што ќе се задржи до вторник. Кон крајот на денот во западните делови ќе има врнежи од дожд.
Под влијание на влажен бран во понеделник ќе преовладува облачно време со врнежи од дожд, локално пообилни (над 20 л/м2). На места врнежите ќе бидат поројни и проследени со силен ветер (над 60 км/ч) и појава на грмежи. Врнежи од дожд ќе има и во вторник попладне.
Дневните температури до среда ќе бидат над просекот за овој период од годината.
