Само 12 случаи на прекршување во текот на првиот ден од полицискиот час
Во првиот ден на полицискиот час биле забележени 12 случаи на непочитување на мерката. Од Министерството за внатрешни работи велат дека оперативниот план за оваа двонеделна мерка нема премногу да ги оптоварува полициските единици, и покрај фактот што тие се распределени на секој агол од земјата, вклучително и мобилни патроли на силите за спроведување на законот и воспоставување на контролни точки. Според МВР, нема да има толеранција за сите што го прекршуваат полицискиот час, освен во случаи кога однапред ќе се пријават во полиција, за итна медицинска помош.
Министерство за внатрешни работи
„Министерството за внатрешни работи соопштува дека во текот на последните 24 часа вкупно 12 лица го прекршиле полицискиот час, кој започна од вчеравечер, односно од 22:00 до 05:00 часот. Во последните 24 часа санкционирани се 408 граѓани за неносење маска. МВР повикува да се почитуваат сите мерки за да се спречи ширењето на Ковид-19“.
Вчерашната мала бројка на прв поглед укажува на поголема свест кај граѓаните, во споредба со бројките забележани во претходните полициски часови. Сепак, имајќи предвид дека полицискиот час започнува еден час по затворањето на кафулињата и рестораните, се чини дека не ги ограничи движењата на луѓето. Изгледа дека полицискиот час, главно се прави за групи млади луѓе кои славеа во градските паркови во текот на ноќта. Само драстично зголемување на бројот на позитивни случаи со ковид 19, во пресрет на Велигден и Бајрам, може да ги принуди властите да го сменат полицискиот час од 18 часот.
Според податоците на Министерството за внатрешни работи, за време на полицискиот час од четири месеци минатата година, регистрирани се над 27 илјади прекршоци само во главниот град. Ова исто така доведе до измени во Законот за заштита на населението од заразни болести како и член 306 од Кривичниот законик за ширење на инфекција и член 307 за непочитување на здравствените препораки за време на епидемија. Според Министерството за внатрешни работи, истите норми важат сега за секој прекршител.
Adna Qaili
