Бежовска: Се очекува благ пораст на инфлацијата

Во Македонија се очекува одреден степен на инфлација, но според очекувањата на гувернерката на НБРМ, Анита Ангеловска Бежовска, таа нема да биде изразена во голем процент. Избегнувајќи да изнесува конкретни бројки, запрашана за очекувањата заклучно податоците за цените на прехранбените производи и на енергенсите во март, Бежовска вели:

Advertisements

„Тука би се воздржала од поконкретни квантификации бидејќи само што започна целиот циклус на макроекономски проекции. Треба да се финализира до крај на април и на почетокот на мај да излеземе со нови бројки. Сега засега сите бројки упатуваат на нагорно поместување, но не е тоа некое исклучително повисоко ниво на инфлација“, рече гувернерката Бежовска.