Kучиња скитници ги загрозуваат жителите на Гостивар
Гостиварци се соочуваат со истата појава како и оние во Тетово. Бројни кучиња скитници ги загрозуваат жителите, од кои некои се и нападнати. Жителите ја обвинуваат локалната власт за небрежност и покрај тоа што биле предупредени на опасноста. Од општината обвинуваат за организирана кампања за носење кучиња од други општини. Барат помош од полицијата.
„Исто како во Тетово, и овде, во градот Гостивар, бројот на кучиња скитници се зголемува секој ден. Секој втор ден, овде во Гостивар, по едно лице страда од кучиња скитници.“
Жителите ја обвинуваат и локалната и централната власт за ситуацијата.
„Како немаме повеќе, по децата трчаат и ги повредуваат“.
„Секако дека има кучиња, не само во Гостивар, туку насекаде, некој мора да се грижи за нив. Секако, оние што ја водат општината, но и владата мора да направат нешто затоа што тоа не е проблем само на Гостивар, туку и на сите градови во земјава.“
„Има напади и од кучиња, но институциите треба да се грижат, ова не е работа на граѓаните, туку нивна“.
„Кучиња има колку што сакате, ова е веќе нормално. Гостивар остана само со кучиња, другите избегаа“.
Реагираше и првиот човек на Здружението за заштита на животните во Гостивар. Тој бара храна за кучиња и одржување за да не станат агресивни.
Додека жителите ги обвинуваат институциите, првиот човек на општината обвинува други градови кои, според него, намерно носат кучиња скитници во Гостивар. Но, се жали и на помошта на полицијата.
За жал, како општина немаме помош од полицијата, и тука секој граѓанин знае дека има кампања и од други градови, да не речам организирана, дека сите што имаат кучиња ги носат во Гостивар да направат негативна кампања, затоа што сме пред избори и со ова добиваат негативни поени локалната самоуправа. Неколку пати сме се пожалиле и им се јавивме и ова е јавен повик до полицијата дека не треба да го известувам началникот на полицијата дека тој зема плата за тоа. Испративме и снимка на шлепер од Велес пред гимназијата во Гостивар, истоварајќи 20 – 30 кучиња, но нема реакција, не е преземена никаква мерка – изјави Арбен Таравари Градоначалник на Гостивар.
Проблемот со бездомните кучиња со години е присутен во скоро секоја општина во Полог и сериозно го загрозуваат животот на жителите.
Башким Сулејмани
