АА-Алтернатива за „пасошите“: Челниците на МВР потонати во криминал и корупција
Алијансата за Албанците и Алтернатива апелираат до меѓународната заедница, да изврши притисок врз владините структури, борба против криминалот и корупцијата да ja започнат од шефовите на полицијата, обвинителството и судството. Реагирајќи на скандалот со пасошите, опозициската коалиција ги обвинува полициските началници, судиите и обвинителите дека се корумпирани и штитат криминални банди.
„Челниците на Министерството за внатрешни работи самите се во криминал и корупција, затоа државата, иако е членка на НАТО, не може да се исчисти себеси од овие групи кои оперираат во нашето општество и вршат криминални дела, со што се загрозува безбедноста на невините граѓани на нашата земја… За Коалицијата Алијанса за Албанците – Алтернатива, не е важно дали пасошите биле издадени во времето на СДСМ, како што вели Мицкоски или во времето на ВМРО, како што вели Заев, туку едно е сигурно. ДУИ беше цело време таму за да им дава пасоши на криминалци, а Албанците ги остави без државјанство.“
