Избрани обвинителите во Обвинителството за гонење организиран криминал
Советот на јавните обвинители на денешната седница избра пет јавни обвинители кои ќе работат во Обвинителството за гонење на организиран криминал и корупција. Од 14 кандидати избрани се Лиле Стефанова, Трајче Пеливанов и Артан Ајро кои работеа во згаснатото Специјално јавно обвинителство, а беа избрани и Наташа Поп-Трајкова и Катерина Коларевиќ. Со овој избор се потврди списокот кој вчера го објави Алсат.
На денешната седница беше избран и шеф на струшкото обвинителство. Со ОЈО Струга ќе раководи Стојанчо Арнаудовски.
Советот на јавни обвинители треба да избере и уште пет јавни обвинители кои ќе работат во Вишото јавно обвинителство Скопје. Како што вчера објавивме, најверојатно денеска Советот на јавните обвинители ќе ги избере јавните обвинители Фатиме Фетаи, Бурим Рустеми, Снежана Бундалевска, Наум Пановски и Сашо Рајчев кој моментално е шеф на ОЈО Скопје.
