Снопче: Грешките во политиката не се правописни грешки што може да се поправат
Албанците во Република Северна Македонија немаат достојно претставување во институциите на земјата, наведе во „Патот Кон…“ на Алсат пратеникот од Алијанса, Халил Снопче. Снопче додаде дека грешките во политиката се подобруваат само со неповторување, подвлекувајќи дека одложувањето на пописот се повторува со амин на лидерите на двете македонски партии и поддршката на лидерот на ДУИ.
„Грешките во политиката се подобруваат само со тоа што не се повторува истото, така што имаме откажан попис во 2011 година со договор меѓу г. Груевски и г. Ахмети. Историјата се повторуваат и ова е проблемот сега. Значи, имаме јасност во сето ова, имаме јасност на позицијата на албанската опозиција која јасно повика да се користи Бадинтер, но имаме и нејасен став на владејачката албанска партија, знаете зошто, затоа што тие беа единствените кои го бранеа одложувањето. Замислете, одложување постигнато во договор меѓу Заев и Мицкоски и само пратениците на ДУИ беа тие што го бранеа. И тоа создаде две работи, создаде темнина од една страна и јасност од друга страна. Темнината е во тоа што Албанците немаат достоен претставник во власта, застапеноста на Албанците на власт е минимум можна затоа што Заев телефонски информира за договор и овие ги менуваат сите тие ставови. Додека појаснувањето е дека албанската опозиција со досегашните дејствија докажа дека дури и од опозиција може да иницира процеси“, изјави Снопче.
