Нови бетонски блокови на улиците во Чаир, граѓаните негодуваат
За време на полицискиот час претходната вечер локалните власти ја продолжија бетонската барикада долж булеварот Цветан Димов во Општина Чаир.
Граѓаните анкетирани од ТВ Алсат оценуваат дека поставувањето бетонска барикада среде улицата не е вистинско решение за сообраќајниот хаос.
„Може да се направи поубаво, ако сакаат да го сторат тоа, ако не сакаат – тоа е. Постојано треба да има полиција бидејќи правилата не се почитуваат.“
Граѓаните велат дека сообраќајот е олеснет, но хаосот не е решен.
„Добро е, убаво е луѓето да не вртат тука со автомобили. Но, тука се прави голема гужва. Многумина вртат. Ни пречат многу. Треба да има полицаец, но нема. Дали проблемот беше решен? Не, повторно е хаос.“
Градоначалникот Ганиу вели дека станува збор за привремено решение за безбедноста на жителите, што според него, го забрзало движењето на возилата и ги намалило несреќите за 60%.
„Не велам дека е убаво за гледање. Не велам дека тоа е конечно решение, тоа е привремено. Знаете, пред неколку дена градоначалникот на Град Скопје најави, а помина и во Собранието со посебен закон за пуштање на две линии за брзи урбани автобуси. Едната линија поминува низ улицата Цветан Димов и по одобрување на сите постапки, мислам дека работите се движат со вистинскиот интензитет.“
Запрашан за катните и подземните гаражи и кружните текови ветени во Договорот 2017-2021 година, со кој тој ги доби последните локални избори, Ганиу одговори дека нивната реализација е во тек.
Anesa Salihu
