Со Акциониот план, Собранието ветува развој на телевизискиот канал
Собранието е посветено да стане потранспарентно, да се дигитализира и да го зголемува директното учество на граѓаните во неговата работа. Со Акциониот план за периодот 2021-2023 година, законодавецот планира целосно функционален канал, нова пофункционална веб-страница, софтверски решенија и обезбедување опрема за емитување на седниците на Интернет, електронска архива и онлајн портал за информации во врска со работата на ова институција. Исто така, се планира да се формира електронска платформа за иницијативи од граѓани, дигитални потписи од пратеници и услуги, како и зголемен мониторинг на извршната власт за тоа како да се управува пандемијата.
И материјалите што во моментов не се достапни во електронска форма за јавноста, Собранието ветува дека наскоро ќе бидат објавени.
Експертите велат дека граѓаните упорно бараат поотворени институции и директна комуникација со нивните избрани претставници.
„Довербата на граѓаните во демократските институции е од клучно значење за функционирањето на демократијата и владеење на правото. Многу студии покажуваат тренд на опаѓање на довербата на граѓаните на сите нивоа на власта, вклучувајќи го и парламентот. Граѓаните бараат повеќе отворени институции, поголемо учество на граѓанските организации и начини за зголемување на транспарентноста, отчетноста и ефективноста.
Овој план, велат од Собранието, е заеднички, на Собранието, мнозинството и опозицијата.
Fatlume Dervishi
