Пандемијата особено ги погоди децата, учениците во летни кампови за повеќе дружба
Учениците од основните училишта најдоа различни начини како да го поминат летниот распуст по завршувањето на учебната година. Децата што ги прашавме одлучиле секој ден да биде различен кога станува збор за игра и забава, но без занемарување на воспитно-образовните активности.
„Продолжувам да пишувам уште повеќе и се надевам дека ќе ја објавам мојата втора книга. Размислував за темата, книгата ќе се нарекува „Поинаков живот“, се разбира ако ја објавам. Напишав како поминав додека имаше корона. Пишувам и поезии и песни, имагинарни приказни или нешто интересно што ми се случило во мојот секојдневен живот, го пишувам како приказна или песна”, изјави Диелона Весели, ученичка.
„Играме кошарка со класот, се собираме. Ја читам книгата „Хари Потер“ со околу 520 страници што планирав да ги прочитам ова лето. Добра е за моја возраст бидејќи има фантазија, интересни работи”, рече Блина Мурати, ученичка.
Поради пандемијата, Лина Арифи сака ова лето да го помине во истражување на природата.
„Сакам да посетувам места кои имаат природа, паркови, сакам кучиња. Но, ние исто така излегуваме со класот и често играме кошарка, сакам да пишувам поезија“, рече Лина Арфи, ученичка.
Исто така, разни активности за деца се организираат од разни едукативни центри наречени летни школи. Нивните раководители велат дека Ковид 19 влијаел на децата да бидат желни за забава и дружба.
„Учениците, покрај тоа што учат англиски, имаат и други активности секој ден, почнувајќи од глума, сликање, фотографија и танцување. Разбирливо е дека за време на периодот кога седат дома, нашите ученици ги користеле сите овие технолошки уреди за забава. Додека се тука ги забораваат“, изјави Теута Даути, претставничка на летната школа.
Според учениците, учебната 2020-2021 година ќе остане долго во нивните сеќавања заради многуте проблеми при реализацијата на процесот на учење од далечина.
Мелихате Рустеми
