Од утре почнува вакцинацијата на граѓани против Ковид 19, без однапред закажан термин
Од утре почнува вакцинацијата на граѓани против Ковид 19. Сите оние кои сакаат да се вакцинираат, а сеуште не се пријавиле, можат да се обратат до пунктовите за вакцинација во здравствените домови, болници или поликлиники во нивните градови без однапред закажан термин. Од утре во спортските сали ќе се изврши ревакцинација на оние кои веќе ја добиле првата доза. Во Скопје вакцинирање без термин ќе има во Поликлиниката Јане Сандански, Букурешт и Чаир, кои ќе работат од 7.30 до 19.30 часот навечер. Од утре ќе се отвори нов пункт за вакцинација во Поликлиниката во Шуто Оризари. Од утре исто така почнува и вакцинацијата на деца од 12-годишна возраст. Во моментов достапни се кинески вакцини Синовак, Фајзер и Астра Зенека. СО вакцината Фајзер главно се вакцинираат деца, бремени жени и доилки, а со Астра Зенека се вакцинираат граѓани над 60-годишна возраст. Досега две дози примиле над 245.000 граѓани. Во недела, според Министерството за здравство, регистрирани се 14 нови случаи на корона вирус. Нема починати, а две лица оздравеле. Активни случаи остануваат 184.
