Дебарските гимназијалци го бојкотираа првиот училишен ден, утре ќе протестираат

Учениците од Средното општинско училиште „28 ноември“ во Дебар, денеска го бојкотираа почетокот на учебната година. 

Advertisements

Како што претходно најавија тие бараат настава со физичко присуство на учениците, зашто сметаат дека во нивното училште ги има сите услови за тоа. 

Во ова единствено средно училиште во општината, заедно со  подрачните паралелки во село Могорче, настава на македонски и албански наставен јазик следат 584 ученици, од нив  156 во прва година, сите гимназиска насока. 

Општина Дебар не доби согласност за организирање настава со физичко присуство на учениците во ниту едно училиште, чиј основач е Советот на општината, што подразбира три деветолетки и гимназијата.