Ковид-19, вонредната состојба се враќа во Европа
Бројот на лица заразени со Ковид-19 во светот надмина 34 милиони, а повеќе од еден милион луѓе ги загубија своите животи како резултат на вирусот корона. Бројот на нови случаи рапидно расте од ден на ден. Европа се врати таму каде што беше на почетокот на годината – некои земји повторно воведуваат вонредна состојба, полициски час, нови забрани…
Првиот бран на вирусот корона „воведе“ вонредна состојба во скоро сите европски земји. Од ширењето на смртоносниот вирус во текот на пролетта, бевме „чувани“ со полициски час, затворени простории и задолжителни мерки – одржување на физичко растојание и носење заштитни маски. Кога вирусот малку ослабе, сè полека се врати во нормала, поточно „новото нормално“. Сепак, деновиве се повторува сценариото од почетокот на годината.
Општината во Србија воведе вонредна состојба
Општина Трстеник во средата повторно воведе вонредна состојба во Србија, одлучи општинскиот штаб. Одлуката донесе само две недели по укинувањето на вонредната состојба, поради влошената епидемиолошка слика во градот.
Вонредна состојба во Словачка и Чешка
Словачката влада воведе вонредна состојба во земјата поради скок на бројот на лица кои страдаат од коронавирус, рече премиерот Игор Маровиќ.
Вонредната состојба ќе трае 45 дена и ќе ѝ даде можност на владата да воведе построги мерки, но тоа нема да значи автоматски враќање на строгиот карантин како што беше на почетокот на пандемијата, пренесоа медиумите.
Италија ќе ја продолжи вонредната состојба?
Италија, исто така, размислува за продолжување на вонредната состојба и веројатно ќе го стори тоа за да помогне да се одржи кризата со вирусот под контрола. Претходно воведената вонредна состојба во таа земја треба да истече во средината на октомври.
Мадрид се затвора
На жителите на Мадрид ќе им биде забрането непотребно да го напуштаат градот, а посетителите нема да може да влегуваат во градот ако тоа не е нужно, објави шпанската влада. Планирани се нови мерки и за уште девет градови.
Според новите правила, на луѓето ќе им биде дозволено да одат од општина до општина само за да одат на работа, училиште, лекар или по намирници.
Полициски час во Црна Гора
Поради зголемувањето на случаите на коронавирус, Црна Гора воведе полициски час во три града, кој ќе трае до 12 октомври.
Тоа се Никшиќ, Беране и Андријевица, каде е забрането да се напуштаат домови од 22 до 5 часот наутро, а исто така е забранета и работата на угостителските објекти и домашните посети.
