Преку компјутерските екрани, наставниците на своите ученици кои ќе следат онлајн настава им посакаа успешен почеток на учебна година
Учениците кои не се опфатени со одлуката да посетуваат настава со физичко присуство се поврзаа со електронската платформа на првиот ден од учебната година.
„Ви посакувам добар почеток со ваков не толку добар начин, виртуелно. Мислам дека оваа далечина нема да ни направи проблем за наставата што ќе ја имаме. “
„Многу е важно времето во кое ќе бидете најавени бидејќи часовите се скратени и мора да бидете точни во часот во кој ќе бидете вклучени”.
Разочарувањето за немање на физичко присуство во училиштата се забележуваше на лицата и гласовите на учениците кои се надеваат дека ќе се вратат во училишните клупи.
„Бидејќи сме четврта година, ние сме во последната година, за нас би било многу важно да бидеме во училишните клупи“.
„Бидејќи сме во медицинско училиште, се надеваме дека во наредните денови ќе имаме пракса со физичко присуство“.
Училиштата ја користат платформата за учење преку Интернет, која, според директорите на училиштата, работела непречено во првиот училишен ден. Во стручното училиште „Цветан Димов“ единствените забелешки беа за лозинките.
„Има некои проблеми со лозинките. Ќе се обидеме да надминеме некои помали проблеми со помош на тимот за поддршка на онлајн наставата. Се надевам дека од понеделник ќе бидеме, да не речам сто проценти, но 90% ќе бидеме вклучени на платформата”.
Исто така, Дураку рече дека следната недела ќе се дефинира точниот број на ученици кои нема да можат да бидат вклучени во онлајн наставата. Според него, протоколите ќе овозможат на некои од овие ученици физички да доаѓаат на училиште, додека на други ќе им бидат обезбедени наставни материјали.
Melihate Rustemi
