Светската здравствена организација соопшти дека наскоро ќе започне со тестирање на три лекови што во моментов се користат за други болести за да се види дали тие можат да им помогнат на пациентите кои страдаат од коронавирус. Здравствената агенција на ОН соопшти дека трите лекови ќе бидат усвоени во следната фаза од нејзините тековни глобални истражувања за идентификување потенцијални третмани за ковид-19. Лековите што се тестираат беа избрани од независен панел врз основа на веројатноста дека можат да спречат смртни случаи кај луѓе хоспитализирани за сериозен коронавирус.
Advertisements
