Седница на националниот Совет за безбедност

Денеска напладне во Кабинетот на претседателот на Северна Македонија ќе биде одржана 13-тата седница на националниот Совет за безбедност, на која ќе се разговара за лицата од Авганистан прифатени на нашата територија и за поставеноста на системот за управување со кризи.

Advertisements

Според соопштението од Кабинетот, покрај членовите на Советот за безбедност, на покана на претседателот Стево Пендаровски на седницата ќе присуствуваат директорите на Агенцијата за национална безбедност, Виктор Димовски, на Агенцијата за разузнавање, Еролд Муслиу, на Центарот за управување со кризи, Стојанче Ангелов и на Дирекцијата за заштита и спасување, Беким Максути.