Извештај на ЕК: Земјава е умерено подготвена за во ЕУ
Балансиран годишен извештај на Европската комисија за Македонија. Брисел проценува дека земјата ги продолжила напорите за зајакнување на демократијата и владеењето на правото, но дека има уште задачи да се завршат.
„Северна Македонија го задржа истото ниво на напредок во владеењето на правото, судството и борбата против корупцијата. Македонија треба да го зачува овој момент. Охрабрен сум од ангажманот на новата влада да ја унапреди реформската агенда за ЕУ, во основните области. Како што знаете, преговорите во Советот продолжуваат и се надевам дека првите меѓувладини конференции со двете земји ќе се одржат за време на ова претседателство.
Во однос на судството, ЕК оценува одредено ниво на подготовка, соодветно подобрување на работата на Судскиот совет и независноста на судството, но бара дополнително залагање во спроведувањето на акцискиот план за судската стратегија. ЕК исто така бара од Законот за јавно обвинителство да се решат случаите што произлегуваат од незаконското прислушување. Комисијата детектира прогрес во истрагата и судењето на предметите од висок профил на корупција, поздравувајќи го формирањето на Комисијата за спречување на корупцијата и чекајќи натамошни резултати. ЕК понатаму го поздрави формирањето на Агенцијата за национална безбедност, но бара да и обезбеди пристап до сите потребни средства за извршување на нејзините задачи, истовремено истакнувајќи ја потребата за зајакнување на надзорот над разузнавачките служби.
Според извештајот, земјата е делумно подготвена во областа на јавната администрација. Исто така, има одреден напредок во однос на слободата на медиумите, но се нотираат зголемени тензии за време на пандемијата и изборната кампања. Затоа, потребна е поголема транспарентност во државното, јавното и партиското рекламирање и решенија за независност и финансиска стабилност на МРТ.
Во извештајот, недостатокот на закон за антидискриминација е опишан како голема слабост што треба да се коригира. Како слабост се оценува и нивото на спроведување на законските одредби за говорот на омраза, се критикува недостатокот на надзор над работата на полицијата и потребата од итни мерки за подобрување на состојбата во затворите и изнаоѓање алтернативни решенија за притвор и затвор“.
Извештајот на ЕК за С. Македонија критикува: недостаток на закон за антидискриминација, примена на закон за говор на омраза, недостаток на полициски надзор, ситуацијата во затворите
ЕК го поздравува политичкиот договор постигнат на парламентарни избори во усови на пандемија, но го повторува извештајот на ОБСЕ- ОДИХР во делот дека правната стабилност била нарушена со суштински законски измени и владини укази. Европската Комисија нагласува дека земјата мора да продолжи да ги негува добрососедските односи со Грција и Бугарија и да ги спроведува билатералните договори.
Европската комисија исто така претстави економски план од 9 милијарди евра како ИПА 3 за периодот 2021-2027 година и инвестиции кои ќе достигнат вредност од 30 милијарди евра за да се намали економската разлика помеѓу регионот и ЕУ.
Anesa Salihu
