Учениците од прво до четврто одделение ја носат маската околу 5 часа додека посетуваат училиште. Средношколците, пак бидејќи имаат повеќе часови за настава, ја носат маската околу 7 часа. Учениците се жалат дека им е тешко да носат маски по цел ден.
„Многу е тешко да ги носиме маските, на почетокот беше многу тешко, сега се навикнавме малку, но пак е тешко. Не е толку лесно да се носи маската седум часа по ред без воопшто да се отстрани и поради оваа причина би сакала да не биде задолжително“, вели една ученичка.
“Дозволено ни е да ги извадиме маските надвор за време на голем одмор”, додава еден ученик.
Бидејќи медицинските маски се ефикасни и штитат само два часа, студентите се принудени да имаат резервни маски цело време што сами ги купуваат.
“Носам резервна маска секогаш бидејќи понекогаш маската мириса и морам да ја сменам”, вели еден од учениците.
„Маските ги купувам сам во продавница во близина на училиштето. 10 денари е една маска, малку е скапо, не многу. Кога купувам, купувам повеќе и имам за цела недела“, додава еден од анкетираните ученици.
Наставниците велат дека учениците од пониските одделенија се подисциплинирани и ги почитуваат мерките. Во меѓувреме, потешко се контролираат повозрасните ученици.
„Носат маски наутро, кога јадат ги отстрануваат, потоа ги ставаат повторно додека не го напуштат училиштето. Исклучително е тешко да се контролира, нивната возраст бара многу слобода и условите се такви, дефинитивно е голема бројка, 30 ученици и е потешко да се работи“, изјави Ѓенофева Шабани, наставничка во ОУ „Истигбал“- Тетово.
Од Министерството за здравство за Алсат изјавија дека во моментов не се разгледува можноста за отстранување на маските во училиштата.
Здравствениот и санитарниот инспекторат, од почетокот на учебната година до сега, изврши над 500 вонредни инспекции во сите средни и основни училишта во земјата, за да види дали протоколите против Ковид -19 се почитуваат. Досега не се пријавени прекршоци.
Вјолца Алити
