Опаѓа интересот за примање на првата, расте за третата доза
Долги редици граѓани пред скопските поликлиники за примање на трета доза вакцина. Висок интерес има кај граѓаните со хронични заболувања и кај постарите. Некои дури се враќаат бидејќи треба да чекаат долго време. Иако припадниците на АРМ се трудеа да држат ред, растојанието не се почитуваше. Има и такви кои бараат да има повеќе центри за вакцинација.
Затворањето на најголемиот пункт за вакцинација „Борис Трајковски“ во Скопје предизвика зголемен прилив на граѓани кои се обраќаат во другите клиники низ главниот град. Како што можете да видите, тука се чека по 2 часа за прва и трета доза.
„Дојдов да ја примам третата доза и другарка ми преку телефон ме извести дека поминале 6 месеци од втората. Но, има голема редица. Ќе го пополнам формуларот за да дојдам утре наутро.“
Според списокот, повеќето дојдени денеска биле за третата доза, а малкумина за првата. Според надлежните, за првата доза има мал интерес иако таа би го зголемила процентот на имунизирани граѓани.
„Ќе примиме вакцина. Сите го прават тоа. Нема причина, само поради гужвата, повторно има многу луѓе.“
Експертите ја критикуваат Владата за недостиг на кампањи за подигнување на свеста на граѓаните за вакцинирање, велејќи дека таа не е доволно посветена да се постигне колективниот имунитет. Оние кои влијаат да се подигне свеста се медиумите, велат тие, бидејќи другите се зафатени со партиски кампањи.
Лекарите велат дека од 8 до 18 часот ставаат илјадници вакцини од третата доза, но според нив, тоа не е доволно за да се реорганизира работата и бараат повторно отворање на нови пунктови.
Во последните три дена над 7 илјади граѓани се вакцинираа со трета доза, а со прва помалку и од илјада дневно. Според последниот извештај, до денеска 35% од населението е целосно имунизирано. Досега се вакцинирани 802 илјади граѓани, од кои над 796 илјади со втора доза, а над 10 илјади со трета.
Adnan Qaili
