Епидемиолошката состојба во Србија е исклучително тешка, оценуваат епидемиолозите во земјата, кои сметаат дека единствен излез од ситуацијата е да се воведат построги мерки и да се зголеми процентот на вакцинацијата.
Според последните податоци, коронавирусот во Србија вчера е потврден кај 6 697 лица од направени 23 474 теста, а починале 63 пациенти.
На болничко лекување се 6 792 пациенти, од кои 275 се на респиратор.
Колку е сериозна епидемиолошката состојба во земјата предупредува и бројот на деца со ковид 19 кои се со потешка клиничка слика.
Раководителката на педијатрија во Здравствениот дом Палилула, д-р Анета Јовановиќ, за РТС вели дека од минатиот месец е зголемен бројот на прегледи во детските клиники за ковид. Поради тоа ќе се продолжи есенскиот распуст во училиштата, за да се прекине синџирот на пренесување на коронавирусот.
