Пендаровски се сретна со Бајден на Самитот во Глазгов
Претседателот Стево Пендаровски го искористи самитот за климата во Глазгов, Шкотска, за да се сретне со претседателот на Соединетите Американски Држави, Џо Бајден.
Амбасадата на САД во земјава на Твитер објави фотографија од Пендаровски со Бајден.
„Покрај Самитот за климата во Глазгов, претседателот Џо Бајден имаше кратка средба со претседателот Стево Пендаровски“, пишуваат од американската амбасада.
On the sidelines of #COP26 in Glasgow @POTUS Biden had a brief meeting with President @SPendarovski. pic.twitter.com/KFVZFLdgWD
— U.S. Embassy North Macedonia (@USEmbassySkopje) November 2, 2021
Повеќе од 100 глобални лидери, кои присуствуваат на климатската конференција на Обединетите нации во Глазгов, Шкотска, потпишаа ветување за стопирање и откажување на уништувањето на шумите до 2030 година.
Заедничката декларација беше потпишана за време на разговорите за климата, познати како COP26, од страна на лидерите на земјите кои колективно сочинуваат 85 отсто од светските шуми.
