Генералниот секретар на УПОЗ: Согласно ОН вакцината за ковид не е задолжителна

Вакциниран сум со две дози, планирам да добијам и трета доза, ако е потребно, меѓутоа, тоа го направив на доброволна основа, вели во своето вечерашно гостување во емисијата „360 Степени“ на Алсат, генералниот секретар на синдикатот на УПОЗ, Трпе Дејаноски.

Advertisements

„Тоа го направив бидејќи е моја лична одлука и мислам дека тоа треба да го направат сите. Меѓутоа, не сите размислуваат така. Би било подруго оваа вакцина да биде во оној задолжителен картон…но бидејќи вакцината против ковид не е задолжителна, препораките од ОН велат дека никој не смее да биде приморан да прими вакцина, мислам дека предлог мерката на Комисијата е преригорозна“, вели Дејаноски.