Мерките предложени од Комисијата за заразни болести за заштита од ширење на коронавирусот се одржливи и мора да се почитуваат. Целта на мерките е да се одржи релативно стабилната состојба и да се зголеми интересот за вакцинација. Ова го изјави министерот за здравство Венко Филипче во емисијата „360 степени“ во Алсат.
Advertisements
Според Филипче, не се работи за задолжителна вакцинација, туку граѓаните имаат два избора, или да го направат негативниот ПЦР тест што треба сами да го платат или да се вакцинираат бесплатно. Министерот за здравство рече дека вакви комбинирани мерки се практикуваат речиси насекаде низ Европа, а во некои земји има и построги мерки.
