Мицкоски: Предвремени парламентарни избори за излез од траорната состојба
Лидерот на опозициската ВМРО-ДПМНЕ и единствен кандидат за нов претседател на партијата, Христијан Мицкоски, на денешната прес конференција рече дека државата се наоѓа во траорна состојба и оти за излез од таквата криза се потребни предвремени парламентарни избори.
„ВМРО-ДПМНЕ ја има најголемата пратеничка група во парламентот, најголем број на градоначалници во општините, најголем број на советници. Но, за жал поради политичката некултура којашто владее во Македонија, еве веќе четири години откако СДСМ е власт, сѐ уште за кратко време ќе бидеме во опозиција и затоа инсистираме на брзи предвремени парламентарни избори затоа што народот треба да биде претставуван согласно тоа за што гласал, а народот гласал на последните локални избори за ВМРО-ДПМНЕ и Коалицијата“, посочи Мицкоски.
