Снопче: Не гледаме дека оваа политичка гарнитура ги менува работите
Халил Снопче од Алијансата за Албанците, во Патот Кон, изјави дека нивниот поранешен партнер Алтернатива не може да ги промени работите, а и кажа дека не гледа светлина на крајот од тунелот, пишува Алсат.
Тој рече и дека ова ново мнозинство не е резултат на демократски процес, притоа потенцирајќи дека ова мнозинство е злоупотреба на гласот на опозицијата.
„Ова ново мнозинство не е резултат на демократски процес, туку ова мнозинство е резултат на злоупотреба на гласот на опозицијата, на злоупотреба на гласот против ДУИ. Значи ова е мое мислење, и не смееме да заборавиме дека опозицијата е основата и темелот на демократските системи. Не гледам светлина на крајот од тунелот, дека Алтернатива ќе ги постигне оние предиспозиции за кои се произнела. Тие рекоа дека имаат сигурни информации од меѓународните претставници дека на 14 декември, ќе добиеме датум за почеток на преговорите, се виде дека не се доби датум, каде се тие дипломати. Значи тоа се непобитни факти и не гледаме дека оваа политичка гарнитура ќе ги менува работите“, рече Снопче./Алсат.мк
