Околу три отсто од децата од пет до 17 години биле вклучени во детски труд
Околу три проценти од децата на возраст од пет до 17 години биле вклучени во детски труд, а децата во руралните области биле повеќе изложени на детски труд отколку нивните врсници во урбаните средини, со пет наспроти два отсто.
Слично на тоа, децата од најсиромашниот квинтил биле повеќе вклучени во детски труд од децата од најбогатиот квинтил со шест наспроти помалку од еден процент. Овие податоци ги покажува Мултииндикаторското кластерско истражување (МИКС) спроведено до Државниот завод за статистика во текот на 2018-2019 година како дел од Глобалната програма за состојбата на децата и жените.
Три отсто од сите деца кои учествувале во економска активност најмалку еден час биле изложени на работа во опасни услови, покажува истражувањето. Распределбата по пол, пак, укажува дека момчињата биле повеќе изложени на работа под опасни услови отколку девојчињата.
