Пластичните ќеси заминуваат во историјата – Случувања што ја одбележаа 2021
Од 1 декември трајно се отстранети пластичните кеси, а наместо тоа секој продавач мора да користи биоразградливи кеси, за кои граѓаните ќе треба да платат по 15 денари. Ваквата одлука ја поздравија повеќето граѓани, иако нагласија дека цената на кесите треба да биде пониска. Беа иронични кога рекоа дека за една вреќа ќе треба да платат колку еден килограм јаболка.
„Наместо кеси ќе земаме торби. Но и цело време не можеме да носиме торба, сега морам да земам“, велат граѓаните.
Екологистите ја поздравуваат одлуката за отстранување на пластичните кеси од оптек, но велат дека нашата земја нема соодветни услови за третман на биоразградливите кеси. Давор Пехчевски од „Еко свест“ вели дека изградбата на погони за рециклирање отпад е уште една неопходна мерка во земјава.
Министерот за просторно планирање, Насер Нуредини, вели дека производителите ќе имаат рок до 1 јуни 2023 година да го прилагодат својот бизнис за производство на биоразградливи кеси.
„Идејата за ова не е да се соберат средства, туку да се намали употребата на пластични кеси. Разбираме дека нема да работи од првиот ден, но целта е што поскоро да стапи во функција… На секои три месеци, продавачите ќе вршат уплата на сметката на фондот и потоа ќе бидат објавени за да знаат граѓаните колку се собрани“, изјави Насер Нуредини – министер за просторно планирање.
Министерството за животна средина и просторно планирање планира парите собрани во фондот да се искористат за кампањи за подигање на свеста, еколошки проекти, но и за поддршка на бизниси кои ќе произведуваат биоразградливи кеси.
Еви Шкопи
