Недостиг на кадар го загрозува наставниот процес во многу основни училишта
Многу од основните училишта ризикуваат да останат без наставен кадар по предметите: физика, математика, хемија и некои други. Меѓу нив е и основното училиште „Ѓерѓ Кастриот Скендербег“ во Арачиново, каде наставникот по физика Сали Хаскај го продолжува својот работен однос веќе 3 години. Според него, погрешните реформи во образованието ја уништиле и ослабнале волјата на учениците за предмети кои и онака се дефицитарни.
„За жал, сè уште работиме со Кембриџ програмата што според мене е тотално погрешна реформа. Овој материјал е целосно неуспешен. Не само што има многу грешки во книгите, туку е и многу едноставен, многу малку ученици учат. За да им биде поинтересен материјалот по физика на учениците, дефинитивно треба да се тргнат од употреба книгите по физика, имаме доволно вешти луѓе, треба да се состават нови книги а што е главно, да се роди љубовта на учениците кон предметот физика, дефинитивно училиштата треба да бидат опремени со наставни помагала и кабинети по физика“, вели Сали Хаскај, наставник по физика.
Министерката во заминување Мила Царовска рече дека немањето кадар во училиштата за одредени предмети е резултат на недостигот на инвестиции во одредени факултети.
Кон крајот на 2021 година основното училиште „Лирија“ во село Јаболчиште во општина Чашка во Велес ја презентираше потребата од наставен кадар, како во одделенска, така и во предметна група.
Мелихате Рустеми
