Првите оценки од онлајн учењето до 20 ноември
До 20 ноември учениците треба да ги добијат првите оценки во однос на успехот постигнат од онлалјн учењето, објави Министерството за образование, опишувајќи го новиот начин на оценување утврден заради кризата со коронавирусите. Вреднувањето може да се комбинира, од далечина и физички средби со ученици, почитувајќи ги мерките за заштита од ковид-19, се вели меѓу другото во упатствата за наставниците во врска со оценувањето на учениците.
„Организирање средби, часови со физичко присуство на час, да ги охрабри учениците, да се провери тоа што е постигнато и да го процени нивното знаење во училиште, има за цел: Пополнување на празнините за време на часот, поттикнување на дополнително учење, грижа за социјалниот и емоционалниот развој на ученикот, проценка на практичните вештини кои се тешко да се демонстрираат во виртуелната училница.
Според упатството за наставници, средбите со учениците треба да траат од 20 до 30 минути и на нив можат да учествуваат до 10 ученици.
„Овој пристап овозможува наставникот да посвети доволно внимание на секој ученик и да се запознае со тешкотиите или предизвиците со кои се соочува при постигнување на резултатите предвидени со наставната програма.
Министерството за образование и наука и Бирото за развој на образованието бараат од наставниците да го усогласат оценувањето на учениците засновано на учење од далечина и да нагласат дека наставниците можат да направат табела со докази што ученикот ќе ги испрати како дел од електронското портфолио кое ќе се оценува.
Исто така, од Министерството за образование информираат дека е потребно да се утврдат јасниупатства во однос на очекуваните резултати од наставата, како и начинот на следење на настава, контролата и проценката на достигнувањата на учениците во овој период. За време на оценувањето, треба да се дадат автентични задачи кои ја елиминираат можноста за готови одговори од наставните материјали, или од други извори на информации, како и да обезбедат контрола во текот на времето за решавање на задачите. Критериумите за оценување и роковите за нивно доставување треба јасно да им се соопштат на учениците и родителите. Министерството за образование нагласува дека учењето во виртуелна училница е предизвик, но дека исто така нуди можност да се направи чекор напред во проценката и да се воспостават практики што можат дополнително да го подобрат образовниот процес.
Мелихате Рустеми
