Помор на риби кај производители на крап на Тиквешко езеро

Голем помор на риби кај производители на крап, се случува во моментот на Тиквешко eзеро, почнувајќи од вчерашните утрински часови, а сѐ уште трае, алармираат производители на крап. Велат дека во моментов на удар се две од најголемите компании производители на крап во кафезен систем, „Златен крап“ и „Дошница“.

Advertisements

– Целото производство од преку 120 тона ни е загрозено. Настојуваме на секаков начин да интервенираме, вклучително и со додавање на вештачки кислород во водата како би ја спречиле оваа катастрофа, но развојот на ситуацијата е се` уште неповолен, велат од „Златен крап“.

Според нив, забележително е катастрофално ниското ниво на акумулацијата во изминатиот период и нејзиното интензивно празнење, кое трае и во моментот.