Незири: ДУИ работи за кланови и групни интереси

Аднан Незири од Алијансата за Албанците, во врска со тоа што за прв пат Албанците во Влада ќе бидат многу високо застапени, во „Патот кон…“ на Алсат, изјави дека првично учеството на министрите треба да биде професионално.

Advertisements

Тој реплицираше и до претставникот на ДУИ, кој рече дека зголемувањето на бројот на министри Албанци е нивна заслуга.

„Учеството на министрите мора да биде професионално, етичко и морално. Што се однесува до ДУИ, сведоци сме дека од формирањето на партијата не може да смени некои луѓе, што значи, тие се заробени и работат само за кланови, групни интереси и за заробување на системот. Не се работи за именување, туку за дејствување, стабилност, систем, професионализам, а не политички, групни и клански интереси“, рече Незири.