Морачанин: Сега е време за собраниска расправа за изборниот модел

Претседателката на ДОМ, Маја Морачанин, во вечерашното гостување во емисијата „360 Степени“ на Алсат рече дека партијата останува на ставот по барањето за една Изборна единица, отворени листи и 50% жени на листите. Воедно Морачанин потсети дека таквиот модел од пред неколку дена е прифатлив и за најголемата опозициска партија, ВМРО-ДПМНЕ.

Advertisements

„Тоа е ставот на ДОМ и за една изборна единица и за отворени листи и за подеднаков број мажи и жени на листите и за парламентарни и за локални избори. Сега е идеален момент, нема нови избори, има доволно време и затоа инсистираме сега да се отвори расправата во Собранието“, рече Морачанин.