Од следната недела „омикрон“ ќе почне да заминува
Бројот на нови инфекции со Омикрон го достигна врвот. Во последните 24 часа се регистрирани 2.341 случај или над 38% од извршените тестови од вкупно 6.193. Вакви високи бројки немаше ниту од екот на есенскиот бран. Билансот на позитивни останува околу 2.000 случаи дневно, што значи дека варијантата Омикрон го достигна врвот на петтиот бран.
„Во однос на откривањето на генетската мутација на Сарс Ков2, генетското секвенционирање главно се открива преку молекуларната дијагностичка процедура ПЦР и не се прави со брз антигенски тест или брзи тестови. Ова се препораките и протоколите на Светската здравствена организација“, изјави Шабан Мехмети, директор на ИЈЗ.
Според податоците на Институтот за јавно здравје од 17 до 23 јануари се направени 15 отсто помалку тестови од претходната недела, но бројот на позитивни пораснал за 4,5 насто повеќе од пред една недела.
„Во текот на минатата недела се пријавени 1.559 нови инфекции или зголемување за 25% во однос на првата недела. Излекувани се 7.627 пациенти, а заразени 11.610. Имаше 97 смртни случаи или 76,4% повеќе од претходната недела. Двајца на возраст од 30 до 39 години, други двајца на возраст од 50 години, осум пациенти до 60 години, а уште 85 пациенти на возраст над 60 години “, се наведува во неделниот извештај од ИЈЗ.
Според инфектолозите, здравствените компликации предизвикани од Омикрон остануваат потенцијален ризик за животот на постарите и хронично болните. Инфектологот Фадил Цана вели дека Инфективната клиника во Скопје и понатаму е полна. Според него, неправилностите од претходната администрација на министерот Филипче оставиле видливи последици во справувањето со кризата. Цана наведува дека дури и најлесната верзија на Ковид-19 успева да го доведе здравствениот систем пред колапс.
„Тоа што се знае, тоа што го остави поранешната администрација на поранешниот министер за здравство, Ковид центарот да остане Инфективната клиника, Инфективното одделение „8 Септември“ и институтот за ТБЦ. Речиси и овие капацитети се полни, што значи дека она што беше помпезно направено со неговото заминување дека наводно ковид е готов, напротив вирусот е меѓу нас и понатаму прави проблеми, па затоа треба соодветно управување од страна на администрацијата, на која вообичаено треба да ѝ се даде време “, вели Фадил Цана, инфектолог.
На инфективните одделенија и ковид центрите во моментов се хоспитализирани 573 лица, од кои 180 во Скопје, а 393 други на инфективните одделенија на клиниките низ државата.
Аднан Ќаили
