Претседателот на граѓанското движење УРА, Дритан Абазовиќ, на средбата со амбасадорот на Руската Федерација во Црна Гора, Владислав В. Маслеников, истакнал дека голема одговорност на новата влада е да ги подобри односите со Русија.
Advertisements
Абазовиќ и Маслеников се согласија дека односите на Црна Гора со Руската Федерација се традиционални и треба да се подобрат во наредниот период.
„Ние сме мала земја и добро е да се биде во колективен безбедносен систем, но тоа не значи дека треба да имаме лоши односи со која било земја, особено не со Русија. Голема одговорност на новата влада е да ги подобри односите со Руската Федерација и тоа е наша обврска“, рече Абазовиќ во разговорот со Маслеников, пренесе агенцијата Спутник.
