Во последните 10 дена, бројот на заболени од коронавирус во Европа е зголемен за повеќе од двојно, а многу европски земји бележат рекорди за бројот на нови случаи.
За прв пат по 12 октомври во Европа се регистрирани 100.000 нови случаи за еден ден, пренесува Ројтерс, додавајќи дека досега во Европа биле дијагностицирани 7,8 милиони луѓе со корона, а околу 247 000 починале.
Европските земји како Италија, Австрија, Хрватска, Словенија и Босна и Херцеговина поставија рекорди во бројот на нови случаи, а како што се наведува, Европа како регион има многу повеќе пациенти за еден ден отколку Индија, Бразил и САД заедно.
Најголемо зголемување на бројот на заразени е забележано во Франција со околу 25.000 нови случаи на ден.
Рекордни броеви на нови пациенти се забележани и во Холандија, Германија, Швајцарија, Ирска, Полска, поголем дел од Австрија и поголем дел од Италија, вклучувајќи го и Рим.
Се додава дека болниците во Европа беа повторно пренатрупани, како што беа пред шест месеци за време на првиот бран.
