Почна второто полугодие, за 250.000 ученици маските останаа задолжителни
Учениците се вратија на училиште по едномесечна пауза, од кои 8 дена беа дополнителен распуст поради големиот број заразени со Ковид-19. И во второто полугодие здравствените протоколи остануваат во сила, како што се носење маски, дезинфекција на рацете и мерење на температурата. Во основното училиште „Конгреси и Манастирит“ во Скопје немаше отсуства на ученици поради ковид.
„Имаме многу ученици, скоро сите се дојдени, секој ден се земаат евиденции на учениците, колку се редовни, колку отсуствуваат. Што се однесува до вработените, сите се негативни, сите се на работа, имаме само двајца од техничкиот персонал кои вчера ме известија дека се во изолација“, рече Фаик Џони, директор на ОУ „Конгреси и Манастирит“
Враќањето на училиште со физичко присуство го поздравија и учениците и покрај задолжителното носење маски.
“Среќни сме што почнавме со физичко присуство. Се запознавме, го одржавме часот по математика, почнавме со нови лекции”, ученик
“Дали имавте доволно одмор? Да. Дали ви недостигаа пријателите? Многу, и училиштето и наставата”, Ученик
“Дали сакате да бидете со или без маски? Подобро со маски, да се заштитиме бидејќи има различни видови на вируси. Дали сите ученици беа на час? Да, сите”, Ученик
“Дали ви недостигаа училиштето и пријателите? Да. Што правевте на првите часови? Објаснивме како го поминавме одморот. Некои бараат на училиште без маски, што мислите? Подобро со маска, за нас е подобро. Подобро со маска за да се заштитиме од вируси”, ученици / двајца
Министерот за образование побара да се почитуваат мерките за учебната година да заврши со физичко присуство.
„Со почитување на протоколите да се трудиме да го зачуваме здравјето и во исто време да ја завршиме оваа учебна година со физичко присуство бидејќи сите ги знаеме придобивките што ги имаме од наставата со физичко присуство“, рече Јетон Шаќири, министер за образование и наука
Во училишните клупи денеска се вратија околу 250.000 основци и средношколци.
Мелихате Рустеми
