Ковачевски: Лидерската средба ќе се одржи
Премиерот Димитар Ковачевски, никако да закаже средба со лидерот на ВМРО-ДПМНЕ.Цел месец по најавата за оваа средба, Ковачевски инсистира оваа средба да се одржи, но без да прецизира кога.
„Тие средби нормално ќе се случат. Ќе ве информираме кога ќе има детали“, изјави Димитар Ковачевски, премиер.
По изборот за претседател на СДСМ, и пред гласањето на новата влада, Ковачевски изјави дека на средбата со Мицкоски ќе разговараат за неколку прашања.
„Му кажав на господинот Мицкоски дека по изборот на новата Влада ќе му испратам покана за да седнеме, да размениме мислења и да разговараме за отворените прашања, особено за оние кои се дел од собраниската расправа“, рече Димитар.Ковачевски. , претседател на СДСМ.
Лидерот на ВМРО-ДПМНЕ, Христијан Мицкоски, се уште ја чека поканата на Ковачевски. Својата подготвеност ја потврди и вчера.
„Во медиумите се пофалија дека едно утро ми се јави да ми каже дека ќе имаме средба која се уште не ја закажал. Со нетрпение очекувам да ја закажеме таа средба и ќе се сретнеме да разговараме за актуелни теми“, изјави Христијан Мицкоски, претседател на ВМРО-ДПМНЕ.
Една од темите на оваа средба се очекува да биде и судбината на техничката влада. На последната средба Заев и Мицкоски постигнаа договор за укинување на овој модел, но иницијативата на ВМРО-ДПМНЕ пропадна. Ден откако парламентарното мнозинство во Собранието не гласаше за потребата од укинување на техничката влада, ВМРО-ДПМНЕ потврдува дека нема да се откаже.
„Јасно е дека господинот Заев не е почитуван ниту во неговата партија. Не знам како пратениците на СДСМ не се срамат што за нешто што нивниот претседавач јавно го кажа минатата година, сега гласаат против. Но, нов претседател, нови насоки. Ќе видиме до каде ќе оди оваа работа. Ќе продолжиме да зборуваме за ова и ќе бараме да се укине ова законско решение“, изјави Никола Мицевски, координатор на пратеничката група на ВМРО-ДПМНЕ.
ВМРО-ДПМНЕ смета дека со укинувањето на техничката влада се отвора пат за организирање на предвремени избори без потреба од 100 дена до нивното одржување. Со или без техничка влада, опозициската партија смета дека предвремените избори се неизбежни. /Алсат.мк
Фатлуме Дервиши
