Проблемите за добивање државјанство се непознати за ДУИ
Прашањето за проблемот со добивање државјанство не е нерешливо рече лидерот на ДУИ Али Ахмети, на прашањето дали неговата партија има политичка моќ да го реши, кога има функционери од неговата партија во сите државни филтри каде што трае процедурата за државјанство. Тој рече дека не им се познати причините зошто постапката заглавила.
„Има околу три илјади луѓе кои чекаат државјанство кои од непознати причини се уште не се стекнале со легитимното право да имаат државјанство. Го анализираме, зборуваме за да има епилог за доброто на народот“, изјави Али Ахмети, претседател на ДУИ.
Законот за државјанство е донесен во јули 2021 година. Меѓу направените измени беше и правото на државјанство за лица кои живееле на територијата на државата пред прогласувањето на независноста. Партијата која ги иницираше овие промени, Алијанса за Албанците, вели дека се залага за спроведување на законот. Најавуваат блокирање на Собранието доколку не се спроведе законот.
„Агенцијата за национална безбедност во ниту еден момент не е надлежна да ги разгледува оние лица кои бараат државјанство според преодната одредба. Таа одредба е многу јасна. Вели дека сите лица кои живееле на територијата на Република Северна Македонија пред 8 септември 1991 година, можат да добијат државјанство само со еден од документите од списокот од 16 поднесени документи. И после одобрувањето ќе следиме повнимателно и ќе се однесуваме комотно во ситуациите што ќе се создадат“, нагласи Илире Даути, Алијанса за Албанците.
Директорот на Националната агенција за безбедност Виктор Димовски е поканет во рок од една недела да поднесе извештај кај премиерот Ковачевски за барањата за државјанства кои со години немаат добиено епилог. АНБ тврди дека од поранешната Управа за безбедност и контраразузнавање наследила околу 20 илјади барања за државјанство. Според информациите на Алсат 2657 се уште се во фиока, без да добијат одговор. Досега имаше голем број пријавени случаи каде што граѓани кои ги исполнуваат условите, се во брак со државјани или живееле на територија која пред независноста се сметала за „опасни за државата“ и им била одбиено државјанството.
Фатлуме Дервиши
