Сите нафтени деривати од полноќ поскапуваат. Регулаторната комисија ги утврди новите цени кои според движењата на светските берзи ќе се зголемат за 1,9 насто. Горивата поскапуваат за 1,5 денар, додека екстра лесното масло и мазутот за еден денар повеќе. Па така, еден литар ЕУРОСУПЕР-95 ќе се продава за 84 денари, додека 98-та за 86 денари, а дизелот за 75,5 денари по литар.
ЕУРОСУПЕР БС- 95 84 денари
ЕУРОСУПЕР БС- 98 86 денари
ЕУРОДИЗЕЛ 75,50 денари
МАЗУТ 48,1 денари/кг
ЕКСТРА ЛЕСНО МАСЛО 74,50 денари
Трендот на зголемување на цените на нафтата e последица од растот на светските берзи по воениот конфликт меѓу Украина и Русија. Според РКЕ во претходните седум дена бензинот во просек се зголемил за 2,7 насто и дизелот за 1,9 насто. На берзите и денеска цената на нафтата е 97,9 долари за барел. Претходниот четврток цената на барел нафта достигна 105,7 долари, што е највисоко ниво од крајот на 2014 година. Очекувањата се дека и во следниот период цената ќе остане на високо ниво, затоа дел од аналитичарите апелираат Организацијата на земјите извознички на нафта (ОПЕК) да го зголеми производството за да може да се намали цената. Сепак од ОПЕК засега не го менуваат ставот дека производството ќе остане на истото ниво како што е предвидено согласно договорот.
Андреа Чобанова
