Во ова кризно време кога цената на енергенсите достигнува рекорди, од државните електрани велат дека во Македонија се користи електрична енергија произведена од домашните капацитети. Струја не се увезува а се задоволуваат потребите на домаќинствата и малите потрошувачи според првичниот план. Двата блока од РЕК Битола работат, но не и третиот блок кој се уште е во дефект. По потреба се уклучува и РЕК Осломеј а со половина капацитет струја произведува и ТЕЦ Неготино.
„АД ЕСМ станува стабилизатор, односно гарант да имаме сигурно и стабилно снабдување на електрична енергија, и при тоа со нашето зголемено производство и со малите набавки кои се случуваа, да гарантираме да биде цената стабилна за потрошувачите“, рече Васко Ковачевски директор на ЕСМ.
