Ивановски: Подобро управување со отпадот за помало загадување на воздухот

Лошото управување со отпадот е една од главните причини за зголеменото загадување на воздухот во периодот што престои, вели во вечерашното гостување во емисијата „200“ на Алсат, Филип Ивановски од компанијата за управување со отпад од пакување, „Пакомак“.

„За да се реши аерозагадувањето треба да управуваме на сите полиња. Треба да работиме и на управувањето со отпад, пред сѐ, бидејќи сѐ на крајот произлегува од тоа, како управуваме со отпадот“, вели Ивановски додавајќи дека анализите од ОН покажуваат дека 46% од ПМ-10 честичките се создаваат од домаќинствата.