Двојазични полициски униформи, Села: „Белким нема да завршат како Законот за јазици“
Три години по стапувањето во сила на Законот за употреба на јазиците, Владата донесе уредба за употреба на албанскиот јазик на полициските униформи и амблемите. Албанскиот ќе се користи само во општините каде тој јазик го зборуваат најмалку 20 отсто од граѓаните. На албански ќе бидат преведени „Сообраќајна полиција“, „Гранична полиција“ и општиот амблем на полицијата. Албанската опозиција ја поздравува одлуката, но Зиадин Села посакува указот да ја нема судбината на законот за јазиците.
„Се надевам дека оваа уредба нема да ја има судбината на Законот за јазиците. Уредбата секогаш се носи, се анимира јавноста само за едно прашање на законот, а законот не се спроведува во судот, обвинителството и за други елементи. Станува збор за ситен маркетинг на субјект во Владата кој требаше да ја заврши оваа тема од 2002 година“, Рече Села.
Македонската опозиција оценува дека за Владата да ги избегне своите криминални афери носи одлуки кои не се во корист на граѓаните.
Претседателот на Левица, Димитар Апасиев реагираше нарекувајќи ја уредбата противуставна. Апасиев со заканувачки тон, вели дека за ова по смената на власта некој ќе лежи затвор.
„Не ј**ат ни Устав, ни закон!“. ДВОЈАЗИЧНИ УНИФОРМИ на полицијата си вовеле со уредба на Влада!?
СДС се најголемото зло што некогаш ја снашло Македонија. Окупатори да бевте поише сенс за народот ќе имавте, гниди едни одродени. Ќе скапете по затвори ко ќе се смени власта, јавно ви ветуваме!!!, наведе Апасиев.
Вицепремиерот Артан Груби вели дека употребата на албанскиот јазик нема да ја има судбината на законот и уредбата за која се чекаше најмалку 2 години да се одобри. Во елитната единица „Тигри“, „Единица за брзо распоредување“ (ЕБР) и другите централни и републички единици во МВР, албанскиот јазик нема да се користи.
„За жал, поради различни околности, примената на уредбата за полициски униформи беше одложена, но вчера беше одобрена. Убеден сум дека самото нејзино спроведување нема да ја има истата судбина како и уредбата. Во некои единици како „Тигрите“ или други единици кои имаат надлежности над целата држава како што се Армијата или банкнотите. Народната банка е во Скопје, но банкнотите се користат во секој град, законот не може да важи во општини каде што нема Албанци. Следствено и во овие единици кои дејствуваат, како Армијата на целата територија, тоа таму не може да се спроведе“, рече Груби.
Во 2020 година, пред распуштањето на Техничката влада, Секретаријатот за законодавство при Владата даде зелено светло за употреба на албанскиот јазик на полициските униформи и амблеми. Во тоа време, уредбата вклучуваше употреба на албанскиот во речиси сите единици.
УРЕДБА од 2020 година:
„Полиција – Единица за специјални задачи, Единица за брзо распоредување, Единица за специјална поддршка, Полициска единица за интервенција, Мобилна единица за компензаторни мерки, Единица за полициски кучиња…“
Спроведувањето на двојазичноста на полициските униформи и амблеми ќе почне да се спроведува за една година. Дотогаш мора да се нарачаат нови униформи, да се утврди бројот на полицајци кои ќе ги носат и разни други управни процедури. Законот за употреба на јазиците беше усвоен во март 2018 година, а стапи во сила една година подоцна. Неговата имплементација дојде по третото читање затоа што поранешниот претседател Ѓорге Иванов не го потпиша. Освен во полицијата, примената на законот заостанува во судството, обвинителството и другите управни постапки.
Адријан Керими
