Претежно млади ја напуштаат државата, социологот Ацевски наведува дел од причините

Социологот Илија Ацевски, во своето вечерашно гостување во емисијата „Економски Магазин“ на Алсат, коментирајќи ги резултатите од пописот рече дека поголем број од иселениците од државата се млади луѓе кои заминуваат и не се враќаат. Ацевски кажа и дел од причините кои според него се пресудни младите да донесат одлука да се одвојат од роднините и од родната земја.

Advertisements

„Кога на партиско политичките пресметки ќе го додадеме моментот на нестабилност, проблемите со вработување, проблемите со високото образование, проблем во здравството…десетина компоненти ја формираат таа поттикнувачка структура да се направи тоа што се прави. Читајќи по региони, еден град изгубил 10.000, 20.000 жители…главно, тоа население е младо население“, вели Ацевски.