Во Тетово ќе има нови избори за општински Совет

Тетово оди на нови избори за Совет на општината. Извори од локалната власт за Алсат информираат дека по неуспехот на Советот да го изгласа новиот буџет и завршната сметка до 31 март и по одредени пропусти за дневниот ред за некои други точки, Советот е должен да се распушти, а Министерството за локална самоуправа да ја извести Владата.

Advertisements

Член 75
Услови за распуштање на Советот

„Советот се распушта ако… не го усвои буџетот и завршната буџетска сметка до 31 март следната година.“

Сега Владата е должна да донесе одлука за распуштање на општинскиот Совет, па ќе треба да се распишат нови избори. Според Изборниот законик, тие би се одржале во втората половина на октомври, имајќи ги во предвид и роковите за составување на листи на независни кандидати и за иницијативи кои не се организирани во политички партии. По распуштањето на Советот, до изборот на новиот совет, неговата улога ја презема првиот човек на општината, но тој не смее да носи одлуки како промена на статутот, носење на буџет, завршна сметка и слично.

Состојбата во Советот на Тетово ескалираше по несогласувањата што ги создаде листата „Подобро за Тетово“ со останатото мнозинство за сечењето на дрвата на улицата Страшо Пинџур. Мнозинството го сочинуваа Беса, Алијансата за Албанците, Алтернатива, листата „Подобро за Тетово“ и ВМРО-ДПМНЕ.

Адријан Керими