Првомајски протест на ССМ во Скопје
Илјадници работници учествуваа на протестот организиран од Сојузот на синдикатите на Македонија, барајќи зголемување на платите за најмалку 2.806 денари, потпишување на Колективниот договор со Владата, враќање на правото на К-15 во јавниот сектор, постепено усогласување на платите со зголемувањето на минималната, поголем број работни места, сигурност, активно учество на синдикатите во националните политики и стратегии како и други барања. Маршот започна пред ССМ, а демонстрантите првично застанаа пред Сојузот на стопански комори каде побараа работодавците да ги почитуваат работничките права и да ги зголемат платите во рамките на законот.
Работниците го продолжија маршот пред Владата каде ги обелоденија своите барања за кои ја обвинија власта дека долго време не ги прифаќа.
Вработените велат дека се незадоволни од условите за работа и од начинот на кој претпријатијата се однесуваат кон работниците.
„Во моментов сме незадоволни од платите и бараме од институциите вредноста на работникот да се цени повеќе во оваа држава каде што живееме… Во моментот земаме плата која не ги исполнува егзистенцијалните услови за едно семејство.“
„Имам 38 години стаж, за стаж добиваме по 4.000-5.000 денари дневница што одиме на работа навечер и воопшто не нè покриваат.“
Работниците и синдикатите велат дека нема да престанат да ги бараат своите права додека владата и работодавачите не го слушнат нивниот глас. /Алсат.мк
Мефаил Исмаили
